قصيدة الوصيه 2
بقلم- أحمد فؤاد النجار
بالفطره وبدون مقدمات هتسمعو خبر موتي مع الفتره هتتغاجئو من سكات أو تشوفو صورتي على الشات عامله زحمه مكتوب عليها البقاء لله ادعولو بالرحمه الدموع هتكدب عينيها فتحل في القلب كدمه وتكون الصدمه صدمات امي دموعها وعياطها مش هيكون هين أول ما تسمع ابنك مات هيفضل حزنها الجارح للأبد وتعيش العمر كمالة عدد وتعد النجوم وبرغم الهموم اللي فيها حزنها مش مكفيها والدموع بتموت فيها مش بايدها أن تجاعيدها بتبين هيصعب عليا في مماتي دمع لين من اخواتي البنات او عياط ابويا بالذات أو لحظة احباط في عيون صحابي وانا لأول مرة هتشال منهم بحق طيبتي اللي عملت شق في علاقتي معاه واللي جرحته أو جارحني اتمني يسامحني وعهد الله مليش في الدنيا غير خطاوي بقيالي على القبر أصحابي يضايفو احبابي على الصبر ويفضلوا كام ثانيه حداد على بابي وبعد اخر خطوه من الرحيل هستني منهم الدعي بعد نص الليل اللي جايلي ضمة قبر تهد الحيل موبايلي وصيه يترمي في وسط النيل الدنيا مش غبيه دي فانيه والموت بيخطف في ثانيه مبيفكرش والعمرخيط انتهي اتحايلت فيه وقتها لكن مبيسمعش الموت سيف والدنيا طيف وانته يادوب ضيف مهما حبيتها ليا فيها كام ذكرى حزينه لكني خبيتها وبنت اللزينه اللي حبيتها هعدي من نحيت بيتها وتشوف غلاوتها لما يقف النعش واشوف قساوتها على الله متدمعش بعد سكوت طويل وصوت وعويل ملوش عازه بعد موت وتشييع جنازه وبعد كام يوم عزا وشوية بكا وتهاليل على بابي واجازه من صحابي عشان يبانو في المشهد وصورى اللي ملت موبايلاتهم كل ده مع الوقت هيتغير وتعود حياتهم زى ما كانت وتفطر بطون صامت ويقل السعي على قبري كل جمعه واكون يدوب حسن سمعه. وينسي الزمان إسمي وتنسي العيون شكل جسمى ويباشر ابويا الحياه عادى ويملي مكانى الفاضي في البيت التعود عليه بانه فاضي وتيجي عيون امى على صورتى فتفكرها بالماضي وصحابي يفوت اسمي عليهم متلمعش عنيهم فيقولوا كلنا هنموت فعادي آخر كلامى سلامى للي سعالي ولو بخطوه واللي دعالي ولو بثانيه الدنيا فانيه مهما العمر طال لابد هتدينا والآخرة تجمعنا الدنيا ملهاش معني والموت لابد هيفوت على الكل مهما غاب عن بالكم ملاحظه ليها ألف معني خدوا بالكم في نفس اللحظة ملك الموت بيسمعناا
