بحبك بفقرك
بقلم-وائل عمر
نفس ابوس فوق ترابك كل يوم مرتين
بس باجى ابوس يدوسوا فوق رقبتي بجزمتين
مره جزمه فى صيدليه جات ف عينى
من دواكى عييت يومين
مره فالتة جات فى بالى طعم لحمة
قلت أروح للجزارين
جاتلى جزمة جنب جيبى
طيرتلى الجينهين
ابنى شاف فى ايد زميله
مرة لعبة
قالى بابا
هاتلى منها
قلت اجيب يا واد منين
وخفت اقابله من عينيه
طول يومين
نفسى ابوس فوق ترابك
كل يوم مرتين
بس باجى ابوس يدوسوا
فوق رقبتى بجزمتين
ابنى التانى مرة تانية
قالى بابا حاجه بيضة
فى ايد نفين
قلت بس كلمه واحدة
دى تورته يا ابنى
مش ياكلها موظفين
وجالتى جزمة جوه فمي
ومن ساعتها مشيت ذليل
والمدارس جايه تفتح
جبت شنطه رغم عندى عيلين
قولت ياللا يبدلوها
أصل هم فى فترتين
بس لسه عندى ازمة
اجيب منين الجزمتين
شفتى انى لسه حبك
رغم كل القسوة منك
ولسه نفسى ابوس ترابك
وأنى مش زعلان لفقرى
بس اللى مزعلنى منك
انك رافعه
شرار ولادك
وداسوا فوق الغلبانين
قلت مره فى شعر سمره
وهافضل اقولك سنين
واللى شايف فيكى شغله
راتبه ما يجبوش يومين
