يعدي الوقت
بقلم-رمضان محمود
يعدي الوقت بالتدريج
يعدي الوقت بالتهريج
يعدي الوقت بالفرحة
لكن... بالحزن ميعديش
فمتلومنيش علي حزني
وعن حالي متسالنيش
انا مع حالي بعرف اعيش
وطول الوقت ليه ساكت
انا ساكت عشان مبكيش
مصاحب نفسي علي الأحزان
وبتعلم انا. .. النسيان
وباعمل نفسي انا فرحان
لكن من جوه انا تعبان
ووقتي طويل. مبيعديش
بعيش حالة من التوهان
بعيش حالة من الخزلان
بدور تاني في التفاصيل
لاني زهقت من التمثيل
ونبضات قلبي شغاله
لكني جوايا قلب عليل
وعندي من الصحاب. أّلَفُـأّتٌ
وعندي في الغرام جولات
وعندي من البشر صدمات
واكتر حاجة وجعاني
ان قلبي بسبهم... مات
يعدي الوقت علي الرايق
يعدي الوقت علي الفايق
يعدي الوقت علي السكران
لكن .... واقتي مبيعديش
