كان من بدري
أميرة حاكم
كان ممكن من بدري
تقولي انا مش مرتاح
الروح ف غيابك صدقني
بتعيش ف جراح
وقلبي من الحنين يضعف
ف بشتاقلك
مليش بعدك ولا قبلك
ف عايزاك تجيي من تاني
ي اول شخص ف العالم
ابين له هبلي وجناني
واول مره احب بجد
وقلبي يدق لو اقابلك
وآول مره احس بجرح.
ف آخر مره فيها بقابلك
ياريتك كنت بتلومني
ف ساعه لما تضايق
بدل ماتقول خلاص هصفي
مانا اصلا مانش فايق
ياريتك قولت يوم مالك.
كل ما اسال اخبارك
ترد تمام!!بخير دايما!
بخير ف وجودك!
طب دلوقتي بخير ازاي؟؟
قدرت تعيش وبقيت نساي!
دانا عمري ما قصرت معاك
وكنت حماك
ي اول حد ف العالم
اقول اني اكتفيت بيه
واول حد ف العالم
اشوف الحزن علي ايديه
مبسوط ف حياتك من غيري
من غير زن ولا مكالمه بتنتهي.
براحتك!!.
بدون ما اقطعك مع صحابك
واقولك امشي من القهوه!
مكنتش فاكره اني احب حد ف يوم
لدرجه اني مش قادره
افوق من النوم!!
بعدي يومي بصعوبه
كإن الحب ده طوبه
وقلبي من الازاز طبعا
لا يتصلح ولا يرجع
ولا اصلا بقي ينفع
يعيش الحب من تاني
هعيش ازاي وانا
كل مكان شايفاك قدامي
وبتخيل
لو تدخل معاك واحده
واعيط
واقول اكيد لسه
ملحقش ينساني! 😅
ياريت العمر يرجع بينا
مكنتش يوم افكر فيك
ولو فكرت
اكيد مش هتعلق بيك
