هو كده الجواز
بقلم ـ شيرين راشد
يا ست بالإسم وزوجه علي الورق
جوزك هو حبيبك وكل دنيتك ماما وبابا علي راسنا وعيالك فرحتك لكن جوزك دا سندك وكل عزوتك حقه عليك الراحه والسكن والحنان ولما يرجع بيته يلاقي حد يحبه يقابلة بأبتسامه وسعادة وإهتمام .
هو كده الجواز إتنين يحبوا بعض جمعهم قلب واحد مش سقف ولا حيطان ، وعشان تحافظي عليه إخلصى في حبك ليه ولو تشوفيه معصب بكلامك الحلو راضية ولو سهران كونى جانبه وإضحكى وفرحيه ، خلية يحب وجودك ويشتاق دايما ليه .
وإفتكري إنك أنثي وحبي نفسك ليه وبأناقتك وشياكتك عيشى واسعديه جوزك هو حلالك وضروري تفهمية ومن الحرام تحميه ، أغنيه عن كل العالم وفوزى إنتى بقلبه وكوني حلم جميل يتمنى يفضل فيه .
وإياكى تهمليه وتعيشي لنفسك وعيالك وهو خلاص تنسيه وكبيرك تخدمية وكل متقابليه تشتكيله همك وتنكدى عليه ويسهر هو لوحده و تنامي وتسبيه .
ياست بالإسم يازوجه على الورق جوزك لو إنشغلتى عنه ونكدتى عليه هايشوف واحده غيرك تدلعه وتصونه وتسهر معاه لياليه ، وإنتى بدموع عيونك أبكى يا حلوة عليه
ولو حصل يا حلوة لومى علي نفسك إنتى بلاش تلومى عليه الراجل طفل صغير محتاج دايما حنان وكل مايكبر حبه يعشق الأهتمام 👉
