إحساس ..غريب
بقلم- شيرين راشد
عمرك حسيت إنك فى عالم غريب ولا حد فهمك أبدا
ولا لك سند ولا حبيب تلجأ له ساعة وجع ويكون قريب .
عمرك حسيت إنك محتاج لالف أيد تطبطب أو حضن يضمك من جرح جائر توغل للوريد .
وقلب ينزف من الحبايب ونفسة يسأل لما الحبايب يجرحوك هيعمل إيه فيك الغريب.
وجع الروح أشد ألم من وجع عضو في جسد ممكن يطيب .
إحساس مؤلم يابشر لما تشوف الدنيا فاضيه عليك وإن ال حواليك كانوا ورق لما إحتاجته إتحرق .
وسواد دخانه عمى عنيك لا بقية عارف تميز فين الطريق ولا العدو من الصديق .
راح الإخلاص والوفاء غاب وأختفى وحل محالة الكدب والنفاق والرياء حتى القلوب بقت حجر من قسوة وظلم البشر أرحم عبيدك يارحيم .
أصبحت الناس أشد خبث من الشيطان الرجيم
بتقرأ القرآن ع الشيطان بينصرف لكن شياطين البشر بيكملوا معاك الآيات وفي الآخر يقولوا آمين
