" انت شايف نفسك فين!"
بقلم -حنان عصمت
انت شايفه نفسك فين ؟؟؟؟
عشان اعرف انا هوصل لفين لازم اعرف انا عايزه اروح فين
"من لم يعرف الهدف لن يجد الطريق"
كتير مننا نفسه يكون معاه فلوس بس هل هو شايف نفسه غني و عايز دا فعلا...!!!!
كتير مننا عايز يبقي رشيق و جسمه جميل بس هل هو بيشتغل علي دا!!!!! و قادر يلعب رياضه و يضبط اكله
كتير مننا نفسه يكون في علاقة حب جميلة بس هل فعلا اتعلم ازاي يختار و ازاي يحب!!!
عايزين ولادنا يبقو احسن ولاد في الدنيا هل فكرنا هنعمل دا ازاي و احنا معندناش اي فكره عن اسس التربيه
عايزين ننجح في شغلنا و نبقي سيدات و رجال اعمل
هنوصل لدا ازاي و احنا زي ما احنا لا بنتعلم اي جديد و لا بنسعي باي شكل
كلنا بنتمني حاجات بس مش بنسعي اليها
المكان اللي انت شايف نفسك فيه هو دا اللي انت بتضيع عمرك كله عليه ...
متطلبيش من ربنا يحطك في مكانه انت مش بتسعي اليها بكل قوتك
السعي مش مجرد سي في او شهادة طلعت بيها من الجامعه ..سعي عدم التوقف عن الحركه
السعي هو عمليه حركه مستمره..
السعي هو استغلال ما هو متاح من اجل الوصول لما
هو غير متاح حالياً
احياناً كتير بنقول كلام و نتمني حاجات و نعمل عكسها و طالما انت لا تملك الشجاعه انك تكون واضح مع نفسك متستناش اللي هيجي يحطك علي طريق اللي انت نفسك مش عارفه...