من رباعيات صابر
ياقطر الغلابة
شعر/صابرقدح
ياقطر الغلابة .القساوة جايبهامنين
وامتى تكون على روح الفقرا أمين
كل ساعة والتانية مصيبة جديدة
القلب يستحمل مرارها إمتى وفين
(302)
ياقطرالغلابة عليناليه دايما تدوس
وتبلع فى كرشك من أغلى النفوس
وترش بلدنا بالحزن فى ثوانى
ويقولوافلوس. ملعون أبوأم الفلوس
(303)
دم واحد عرض واحد هم واحد
القطر راكبينه سوى. واحد .واحد
نغنى ونفرح سوي. ونروح سوى
وغيركده عمر ماحد منها واخد
(304)
ياقطر الغلابة امتى تروح المحطة
دا ست الحبايب مجهزة لنا البطة
اخواتى معايامن الوحدةجايين
جنود بتحمى البلاد زى القشطة
(305)
ياقطرالغلابة هو دم الغلابة حلال
انت بتعانى. ولااحنا بنعانى إهمال
وتجرى وتصفرجايب ليناالسواد
داكل ضافر لِعيّل بَلعْتُه قيمة و جلال
(306)
ياقطرالغلابة ف سكة ديابة حرام
على حرقة قلوبنا نصحى...ننام.
أخبارك حزينة مافيها ابتسام
وامتى تبلّغ ولادنا سكة سلام
(307)
ياقطر الغلابة قلوبنا حزينة
فى كل قرية وكل مدينة
وكل شبر من بلدنا الحبيبة
عاملين صوان نعزي نفسينا