فراق (339)
بقلم: صبري رسلان
.........
يعني خلاص
مش ممكن أشوفك وتكلمني ..
يعني العمر الباقي بدونك طوق وخانقني
حضنك راح مشتاقه حنانك هشكي لمين
حتى الدمعه بتشكي
مراره بعده آنين
مين هينادي يعوض روحي في حضن أمانك
مين هيطبطب ويخليني
عايشه عشانك ..
سند العمر خلاص وفقدته ضيه وغاب
فاتني وحيده
عالشوك شارده
ليالي عذاب ..
حاسه أنا خايفه
فى أحزان دايبه
كلي جروح
عايشه كأني طير بيرفرف من غير روح
غمض عينه كأنه بيحلم
وسط حروف
ما لقاش ضله ونبض حياته قلبه فيه خوف
مفقود حرف خلاص
جمعته طلع الموت ..
وأديني عايشه بصبر
نفسي بذكرى الروح
بقلم .. صبري رسلان
