للشاعر دخيل العطيوي الثقفي
***********************
تداري ترا عين الحسودي قدرها شين
يامن وجهها فيه الحسن واكثر شويه
خلقكي اله الكون في أحسن التكوين
وزادك حلا فالطبع والطيب أماريه
ولك خاطري مافيه خله ولا تخوين
أبد ماسكن قلبي سواك ؟ هواويه
واذا قلت أحبك ذي حقيقه ماهي تخمين
على قولة التجار ميه على ميه
وذاك الغلا اللي حافظه لك بوسط العين
وروحاً تمنى ... الود صبحاً وليليه
من أجلك ولو غيرك تركته مع المقفين
ولكن حبك زاد ....... فيني غناويه
عزيزة قدر محشومة من كلام الشين
وتحميك في قلبي الضلوع الحناويه
طلبت تداري ؟ فالقدر ما يرد العين
من اللي مشو بين البشر بالشناويه
ولو صابكم مكروه ذقت العنا مرين
وغنيت لك لون الحزن بالهجينيه