بقلم:د. صالح العطوان الحيالي -العراق
يامحلى العيشة في البيوت الطينية
بيوت آبائنا واجدادنا
وتراثها المزهية
فيها ذكرياتنا
والعابنا التراثية
عشنا فيها عيشة هنية
تسو ة كل انواع الديمقراطية
فيها الراحة والهوا البارد
ما عرفنا الاجهزة الالكترونية
فيها العيشة بسيطة
ماعرفنا البرستيج والاقمار الصناعية
فيها تراث الاباء والاجداد
فيها كل التحف التراثية
درسنا على ضوء لالة وفانوس
ما شفنا ضوة الاجهزة الكهربائية
امهاتنا طبخت على الحطب والموقد
ما عرفن الطباخات الكهربائية
سهراتنا جلسات سمر عائلية
ولا عرفنا التلفزيون
والافلام الهندية
والمسلسلات التركية
ندفه على نار الحطب والصاج
ماعرفنا الصوبات النفطية ولا الكهربائية
فيها النية صافية
وصلة الرحم القوية
الجار مع الجار
تقاسموا لقمة العيش الهنية
الجار يغاروينتخي لجاره
وما يسوي أفعال شينيه
من عرفنا الكهرباء والبرستيج
ضيعنا العلاقات الاخوية
ضاعت العادات الاجتماعية
ضاعت الالعاب الشعبية
والهوسات والأغاني الريفية
وصارت اخلاقنا تترنح
لانها تتعلم من الافلام الهندية والتركية
كان الحب عفيف وطاهر
وهسة صار كله غدر وخيانة
وتسلية يومية
تعلموا من الأفلام المدبلجة
والمسلسلات التلفزيونية
كانت العائلات تسهر
على ضوة القمر
والجاي و الكعك بالصينية