كان يا ما كان حكاية الست ستونة
كتبت- يسرا عاطف
ستوته في فيلم سلامه في خير
اسمها امينه ذهني انتو تعرفو انها مثلت اربع مشاهد فقط في الفيلم وفي حياتها كلها وكانو السبب في قتلها!!!!
بداية القصة:-
القصه تبدء وتنتهي عند نجيب الريحاني هي كانت جاره له في الشارع في منطقه باب الشعريه وكان يحب دائما ان يطمئن عليها من وقت لآخر كانت بتشتغل وبتساعد نفسها في بيع الخضار وهذا ما جعله يشعر بحزن في قلبه لانها ست كبيره حاول العديد من المرات ان يعطي لها مال للمساعدة ولكنها كانت ترفض.
في يوم من الأيام جاءت له فكره انه يساعدها بطريقه تانيه وهو انه يعطي لها بعض المشاهد في فيلم سلامه في خير وفعلا أوجد لها مشاهد مخصصة لها علي انها حماته علي الرغم أن هذة المشاهد لم تكن في السيناريو من الأصل.
المهم بدء التصوير والست امينه جت ومثلت المشاهد بتاعتها مع انها كانت مبوظه الدنيا مثلاً مش عارفه تبص للكاميرا ، تشرب سجاير ، تقول كلام مش موجود في السيناريو وكان نجيب الريحاني مش بيعيد التصوير كان بيسجل المشاهد زي ماهي.
وبعد انتهاء تصوير المشاهد نجيب الريحاني قالها شكرا ياست امينه انتى كده دورك انتهي واعطي لها مبلغ من المال خمسون جنيه وكان وقتها مبلغ ضخم جدا كان بياخده تاني ممثل في الفيلم .
هي طارت من الفرحه ومكنتش مصدقه هو قالها يلا روحي راح امام الاستديو وهو بنفسه وقف تاكسي ووصي السواق يوصلها البيت لانه لسه مكنش خلص شغله وكان بيرجع من التصوير في السادسة صباحاً.
رجع نجيب الريحاني البيت ونام بعد يوم شاق من العمل صحي فجأه علي صوت خبط علي الباب من سيده كانت بتقيم مع ستوته او امينه بتقوله انها لم تعد من امبارح
اندهش نجيب الريحاني من هذا الكلام وسألها ازاي كده؟؟؟
انا مركبها تاكسي ووصفت له العنوان وأخذ يبحث في المستشفيات واقسام الشرطه وفي كل مكان مفيش فايده اختفت تماما .
قرر نجيب الريحاني أن يربي حفيده امينه وعلمها احسن تعليم لغايه لما كبرت واتجوزت في المانيا وخلفت ٣ أطفال والبنت ماتت بره مصر... هل الموضوع يخلص كده؟؟؟؟
لا طبعا ربنا ""يمهل ولا يهمل ""بعد فتره كبيره من اختفاءها واحد بلطجي اتخانق في الشارع مع ناس من خلافات الجيره قام البلطجي بقتل جارة ابن الراجل اللي مات جاء ليأخذ حق ابيه و يتخانق معاه قتله هو كمان والبلطجي اتحكم عليه بالاعدام صباح يوم الاعدام جاء الشيخ يلقنه الشهادة فكان البلطجي بيكي بكاء شديد جدا سأله الشيخ قبل تنفيذ الحكم في حاجه عايزها؟؟ قال له نعم في حاجه عايز اقولها قبل ما أموت.
خير تكلم،، قال له أن دي مش اول مره اقتل فيها انا من فتره كبيره قتلت واحده ست عجوزه ركبت معي التاكسي من عند استديو لتصوير الافلام واللي ركبها الممثل نجيب الريحاني او واحد يشبهه.
حكي القصه انها وهي قاعدة وراه في الكرسي شفتها معها فلوس كتير جدا وعماله تعد فيهم الشيطان قالي اخدهم منها رحت علي مكان في الصحراء وعملت ان العربيه عطلت وقلت لها انزلي اركبك حاجه تانيه وضربتها علي دماغها وخنقتها واخذت الفلوس ورمتها من فوق جبل
وبعد الحادثه بعشر ايام راح يطمن في مكان الحادث لقي ان الضباع والكلاب اكلو ستونه ومفضلش غير ملابسها مقطعه ومشي مين عرف الموضوع ده بديع خيرى من ظابط كان حاضر تنفيذ الاعدام ونجيب الريحاني كتبها في مذكراته اللي حكاه لمجله الكواكب.
