للشاعر د. علي مسلم عجمي
حب
--------
حبيتها عا قد لحظ شموسها
و عاقد ما بتحب هيي دروسها
لمست وراقي يا سحر ملموسها
حـرَّكت فيي العاطفة و محسوسها
و مطرح ما لمست إيدها وراق ال معي
صفحة و صفحة صرت ضمها و بوسها
عتاب
--------
يا عيب الشوم حقك تجهليني
و حقك تجرحي شعوري وحنيني
و أنا يللي كتب فيكي قصايد
بحرف أغلا من الدرة الثمينة
و زوانة حبك الجابت مكايد
و طلعت عالخزينة مش أمينة
غمرها منجلي يوم الحصايد
و سحبها متل شعرة من العجينة
حب
------
صار فيكي كل ساعة تظهري
لا تقولي ذِبِـل هالخد الطري
مش بحاجة عطر تا تتعطري
و لا تعملي مكياج أو تتسشوري
كلما كبرتي و زاد عمرك بالسنين
بيزيد فيكي الحلا كلما تكبري
عتاب
--------
استحي لا توقفي قبال المراية
عيوبك واضحة بكل الرواية
اخجلي و من نومتك عالعار فِيقي
الحبر عَفّّـن بجوات الدواية
و عشيقك بعرفو مانو حقيقي
قوليلو بالصراحة و بالنكاية
بعد ما خنت غيرك يا عشيقي
دورك بعد شي كم يوم جايي
حب
-------
تعا يا مكفكف الأحزان قِلّا ( قل لها )
ال بقلبي كانت و فاضي مَحَلَّا ( محلها)
بعد لمين رح يكتب قصيدة
و معاكي كل أحلامو وِصِلَّا ( وصل لها )
إنتي طول ما عني بعيدة
عليي تحرم النسوان كِلِّا ( كلها )
عتاب
---------
انا بعتب على شعوري و فؤادي
و حناني الشدك لصوبي زيادي
عطيتك من سما عمري النزبهه
طير محبتي و ثمرة جهادي
روح الطير رحتي ذبحتيها
و ضمير محبتك فيي ينادي
و ثمرة الكل عمرك تشتهيها
اتركيها ما بتقبل هالأيادي