الشاعر الكبير مصطفى مقلد
---------------
أكدب يعني!
يعني أقولك إني مسامح
وإني غلبت الحزن الجامح
ما استسلمتس.
وإني امبارح...
شفتِك زي ما كنتِ بريئه
كنتِ خيال أو كنتِ حقيقيه.
أنا مش عارف...!
أكدب يعني؟
يعني أقولك
_ مثلا يعني _
إن رصيد الشوق في الطالع
وإنك عامله ف قلبي وديعه
وانك لما غرزتي صباعك جوه فؤادي
مش كان قصدك تبقى قطيعه
وإن القلب بينطق اسمك دَقّه بدَقّه
وإنك لما طعنتي. طعنتي
بس قصدتي الطعن برقّه
غصبن عنك . غاص النصل
بس الأصل الثابت ثابت
يعني إديكي .
شكلاً سابت
بس الجوهر كان الوصل
ربنا رب قلوب ونوايا
يعني أهم ما فينا النيه
ممكن يبقى الجرح وسيله لأنبل غايه
يبقى المجني عليه الجاني
يبقى الجاني بنفسه ضحيه
يعني القصه مش في الجرح ومين الجارح
قصدي أقولِك
إني إمبارح
شفتِك زي ما كنتِ بريئه
كنتِ خيال أو كنتِ حقيقه
أنا مش عارف!!!
أكدب يعني؟...