%20(1).jpeg)
قصيدة الموت أرحم
بقلم: محمد حبشي
فتحت ليكِ ساعتها الباب
وخرجتي عادي
لا قولتي لي تصبح علي خير
ولا قولتي باي دادي
قلبي أنا الغلطان
مش ماسك فيكِ تاني
أخرجي يلا
أخرجي يلا
الباب بيفوت م الجمل 2000
أخرجي
وخدي معاكِ كام غنوة
وسهر الليل
وإنسيني .. ما أنتِ نسيتي
ربي يقدرني وأنساكِ
مش عارف عملتي لي إيه
خلاني مش قادر أنساكِ
وبتمناكِ كل الأوقات
القلب إتعلق بيكِ ساعات
عذابها سنين
يدوب الساعة ب سنتين
تعرفي تحسبِ كام مرة
بصينا لبعض بنظرة عين
تعرفي تحسبِ كام مرة
أقول وحشتيني تردي وبعدين
تعرفي تحسبِ كام كلمة خرجت
من قلب لقلب بدون تفكير
وإلا أجيب لك آله تشيكي
علي الفواتير
الموجب فعلآ مش ظاهر
السالب أكتر
صعب تجيبِ فيها التقدير
الحل خطير .. وقلبك أخطر
دوامه وصعب نوصل بيها
لبر أمان
وإذا كنت أنا سكينه ف أنتِ صطور
أنا وأنتِ صعب نعيش ف النور
والعقرب صعب يكون للثور
مع أن " نور " هو أنتِ
قلب لظلام
النور في عيون الناس نور
بس أسمك طفي الأنوار
حسيتي كام مرة بوجعي
حسيتي كام مرة بدمعي
قلبي اتعذب .. قلبي أتألم
وأنا بتعلم
ما هو برضه التعليم مش ببلاش
آه أنا إتأخرت كتير
وأخد الثانوية في ست سنين
بس النظري مش بيعلم
العملي أقوي بكتير
جبت التقدير
اللي أنتِ وقفتي عنده بمقبول
أنا مش شطور
أنا واحد عدي لآخر السور
علشان أوصل
لقيت الباب مقفول
واقف في مكاني
صعب أرجع أقول ندمان
ندمي مش حل خالص
ولا بر أمان
ندمي هزيمه وهروب مش حل
وصعب نرجع نشوف حل
الحل أننا .. ننسي بعضنا
وبطلي تكبير بقي بزيادة
بطلي تشوفِ نفسك سادة
بدون عيوب
دي القهوة السادة ليها عيوب
أنا لسه يدوب بفرح حبه
وبهرب من زعلي وتفكيري
القيكي قدامي كالعادة
تهدي كل اللي بنيته
وتزيدي في عصبيتي
القولون إثر فيا كتير
براشيم وعلاج ف تحاليل
ودكاتره كل يوم والتاني
الضغط دائمآ عالي
وأعصابي فايرة
اعملك إيه .. حسي بقلبي
سيبيني وروحي شوفي حالك
اعتبريني ميت قدامك
مكنتش أعرف أنك ترباس
قفلتِ الباب م القاع للرأس
وأنا مش قادر أنط السور
ف إزاز مكسور جوايا
مأثر فيا
سكاكينك بتقطع فيا
أصلي ضاحية
لعيون شرانه .. وأنانية
قصة فيلم بطولتك أنتِ
وأنا ضاحية
ميت ..
ميت بمرار وضغط وسكر
قولون وعلاج أكتر وأكتر
عايش بخسر..
ميت بخسر..
خسارة بخسارة الموت أرحم
