شايل هموم الكون؟!.. بقلم: أم هاشم العيسوي
شايل هموم الكون؟
زعلان ومتكدر؟
تايه في وسط ناس ما تصون
وانتا قلبك بكنوز العالم ما يتقدر
روق كدا واحسبها بالعقل
لو كانت نصيبك كانت هتدوم
لا الحب عافيه ولا قصة تقل
الشاطر اللي يقع وأوام يقوم
اللي قدمته هيتردلك مع الايام
واللي مصانش هيدوق نفس الكاس
اطوي الصفحه واختصر الكلام
عشان الصح كان باين من الأساس
كل مره كنت تتنازل وتقول وماله
الحب تضحيه وعفو وكلام كتير
تعدي كتير ويبقي الوضع علي حاله
واللي عملته مر بدون تقدير
الحب عمره ما كان كلام وبس
الحب أفعال ومواقف بجد
الحب مشاعر فياضه لازم تتحس
غير كدا قلبك شامخ ولا يوم بسهوله يتهد
محتاج تتعلم وتاخد مع نفسك واقفه
محتاج تفهم ان الحب من طرف واحد
بيت حيطانه أيله للسقوط وزايفه
واللي يستغل مشاعرك جاحد
مهما كانت مبرراته
عملت كل اللي عليك ودا يكفيك
واللي فات كان درس قاسي
ومش نصيب
وكفايه ربك شايف ومش ناسي
فالخذلان قدرك ومش عيب
كفاياهم الأيام تدوقهم نفس المرار
كفاياهم يكملو مع اللي نفس عينتهم
في ايدك تكمل وف ايدك القرار
وفي ايدك تمحو من حياتك حتي سيرتهم