صرخة ضمير.. قصيدة بقلم أم هاشم العيسوي
كَمْ باقي من العُمرِ نَبكي هُموم؟
ونِشيل الليالي على صدرنا نار؟
ما دامت نهايتنا سِطر مختوم
يبقى الحق أولى… وأعلى قرار
قَبلك كام واحد سكَت واتهان؟
وخاف يقول كلمة… وضاع الدليل
خُد حقك بإيدك… وسيبك من كان
باع صوتُه بخوف… وعاش ذليل
إحنا الكرامة نسلّمها جيل
ونكتب تاريخنا بدم الجسور
والجبان لو عاش سنين طويل
يموت… ولا يفضل له أي حضور
ما تقولش ظروف… ولا تقول زمان
دي حُجج الضعيف لما يستخبى
جرب يوم تقف وقفة إنسان
وشوف الأمل جواك إزاي اتربّى
كاس الحياة مر… بيدور علينا
وكلٍ له يوم… وهييجي الدور
يا نِغرق في خوف يِكسر فينا
يا نعلّي الصوت… ونهدّ السور
خايف؟
حزين؟
شايل فوق كتافك سنين؟
مخبي جواك ألف أنين؟
ومستني الفرج من غير طريق؟
قوم اسعى… وسيبها للي بيده المصير
رب التدابير… عالم بالقلوب
بيرزق من غير حساب ولا تفسير
ويجبر خاطر مكسور وتعبان ومغلوب
قول آمين… وخلي يقينك كبير
مهما اتأخرت… الفُرج جاي
ده اللي خلقك مش هيضيعك أسير
ولا يسيب قلبك للحزن سباي
الدنيا اختبار… يومين وهنمشي
ونسلم في الآخر كل الحساب
راجع ضميرك قبل ما تمشي
وخد للجنة ألف باب
وادعي بخاتمة ترضي الإله
وقلب سليم… ما شالش أذى
وافتكر دايمًا… مهما الحياة قساه
إن الحق عمره… ما كان انطوى