أبي الأمان الذي لا يُعوَّض
بقلم: أم هاشم العيسوي
أبويا دا سيد الناس في عيني
أبويا مين زيه في البشر؟
أبويا دا حب عمري وسنيني
ومين يجرؤ ياخد مكانك؟ دا فشر!
حبيبي وعكّازي لما مالت بيا الأيام
سندي وضهري وأماني وضِلّي
رقم واحد في القلب… مفيش كلام
تدوم لي بصحة وعافية يا خِلّي
صاحب وصديق قبل ما تكون أب
دا الواحدة من غيرك تتوه في شِبر
وقلبي يرفض يشارك حد في مكانك مهما حب
وكلماتي بكتبها بالدم… مش مجرد حبر
منبع أسراري… وحضنك أمان الكون
كل العالم يا أبويا في كفّة… وإنتا في كفّة
إنتا سكان عالمي الخاص
والباقي على الحفّة
محسّسني بكياني
ورافع شأني… ومتوجني كالملكة
فاكرني يا أبويا بدعواتك
لو كل الدنيا تنساني
وأقولها يا خِلّي… بأعلى صوتي أول وتاني:
إنتا أعظم إنجازاتي
إنتا العوض بعد تعب الأيام
إنتا الطبطبة وقت وجعي وآهاتي
ومين بعدك؟
هقول على الدنيا السلام…