"اللي فات من العمر راح هدر".. قصيدة بقلم: أم هاشم العيسوي
ضاع في سكوت وقلة تقدير
ادينا قلوبنا لناس ما تستاهل
ولا مرة فكروا فينا بضمير
عملنا عشانهم فوق المستحيل
وشيلنا عنهم حمل كتير
ولما احتجنا لقينا وشوش
باردة... وقلبها حجر كبير
قالوا التقيل يزيد محبة
وغيابك يخلي ليك تأثير
صدقنا اللعبة... وخسرنا العمر
وطلع الكلام مجرد تبرير
لا تستنى شكر من جاحد
ولا تستنى خير من حقير
اللي يبيعك في أول فرصة
سيبه... وربك خير نصير
خدها قاعدة طول الطريق
ارتاح وسيب عنك التفكير
اللي يشوف وجودك عادي
خليه يحس بغيابك كبير
واللي فات... خلاص اتعلمنا
والجرح بقى أحسن سفير
يعرفنا مين يستحق قربنا
ومين مكانه آخر السكة... من غير تبرير.