المأذونين يحتكرون الزواج بمباركة وزارة العدل
كتب - محمد رمزى مونس
رسالة من مواطن راح يكتب كتب كتابة لوزارة العدل.
يقول ذهبت إلى المأذون لكتب كتابي فقال لي المأذون أين تقيم الزوجه قلت له في المنطقه الفلانيه قال لي المأذون هي تبع اختصاص المأذون الفلاني قلت له عوز حضرتك اللي تكتب كتابي قال لي ما ينفعش ذهبت للمأذون الذي تقيم في دائرته العروسه قابلني بكل تجهم واول كلمه له المؤخر كام قلت له كذا طلب مبلغ مبالغ فيه وعاملني بأسلوب مش كويس لما عرف مكان اقامتى و قال لي لعلمك مأذون بلدك ما يقدرش يكتب كتب كتابك ولا أي مأذون آخر لأن الزوجه تبعي و هتلف و هتجيلي و هاخد منك اللي انا عوزه لأن الماده ٢٠ من لائحه المأذونين بتقول ان انا المأذون المختص من الاخر دي اقطاعيه بتعتي باعتراف وزاره العدل عينتني فيها و محدش يقدر يكتب فيها أي كتب كتاب الا انا عشان هشتكيه و ابهدله و هاخد منه أي مبلغ هقول عليه .
الوقت ياوزاره العدل انا مواطن لي كافه الحقوق و الحريات لي حق اختيار ديني و لي حق اختيار موطني و حريه الاقامه و التنقل داخل الدوله و لي حق اختيار زوجتي و مع كل الحقوق التي كفلها لي الدستور و القانون و الأعراف الدوليه يوجد شخص يتحكم في أهم أمور حياتي و هو كتب كتابي ليه ياوزاره العدل البلد مش بتاع حد يبيع و يشتري في الناس الثوره قامت لأن في ناس اتحكمت في الشعب واقول لكل الشعب و كل واحد عاوز يكتب كتابه زى ما اخترت مكان شقتك زي ما اخترت زوجتك زي ما اخترت شغلك اختار مأذونك اختار اللي ترتاح فيه و القانون يتغير لراحه الشعب و مصلحته و ليس لمصلحته فئه من الشعب ياوزاره العدل القانون لراحه الشعب مش للتحكم المذل من شخص معين فيه.
