( خربــانه...... خربــانه )
بقلم حمودة سعيد محمود
يا ما قلت يا دنيا احلويتى
وهتبقي دايمـــا عمــرانـه
قــالت لى اطلع من بيـتى
كده كده أنا أصلا خربانه
وحلفت يــا دنيـا بحياتى
ما ليـا قعـاد فيكى تــانى
وهجـرت أهلى ومــراتى
ورحت مسافر ف ثـوانى
قررت أسافر أبوسمـــبل
وأشـــــوف آثـــار متخبيـه
صادفتنى جره فيها قنبل
ساكنهـــا واحــده جنيــه
وقالت لى تسمح يا حمـُّو
تــــدينى لقمــه جعانـــــه
رمسيسكو سابنى عند أمه
ودى ست عجوزه وكحيانه
فطيت نطيت بره الحفـره
ولقيت رمسيس كان قدامى
كلمنى كلام كان بالشفره
خـلانى نسيت كل أحلامى
مـن كتــر خــوفى اتشليت
قـــــاعد لوحدى وبأغنى
لا دقت طبيخ بره البيت
ولا حــد كان يسأل عنى
يـــا دنيــــا سيبـك منيَّـا
وادِّيهــا ... نظــره لبناتى
يــوماتى باطبخ ملـوخيه
علشــانك أوفــر قرشـاتى
الدنيــــــــا ...إدتنى قفاهــا
وانـــا اللى عــايش ويَّاهـا
م كتر غلبي ي ناس أصبحت
نــــــــازل أعـدد فى أساها
ورجعت تـــــانى .. لبنــاتى
مبســـوط باغنى أبجد هوز
وفوجئت بالســـت مــراتى
حلفــــت طــلاق أنا هاجوَّز
ي شيخ قم شوفلك كم سرحة
وسيـــب ... لغتنـــا العربـية
ون كان مفيش إلبس طرحة
إن شاء الله تدوسك عربية
وسافــرت تانى لاحـزانى
لجــــل أعيش عيشه هنيَّـه
المـــر دقتـــــه .... بلسانى
وعشــقت عيشة العـزوبيه
قــاعد باعلم ... ف عيـالك
يا دنيـــا دول كانوا بهايم
الكـــل عايز راس مـالك
وقليبي أصبح فيكى هايم
ملعـون أبــوكى يا دنيتنـا
بكِّيتى زوجــتى وبنــــاتى
وحرمتى أهلى وحتتنـــا
يـــــلاقوا عندك .. كفنـاتى
غلطان يصاحبي يـا متسرع
فكر براحتك .... واعقلهــا
حتى الحمــار بقي بيشـرع
وهيجيب درفها ...ويقفلهـا
*************
شعر / حمودة سعيد محمود
الشهير بحمودة المطيري
